Johann Wenzel Anton Stamitz —jaiotza izena: Jan Václav Antonín Stamic (Deutschbrod, Bohemiako Erresuma, 1717ko ekaina - Mannheim, Palatinatua, 1757ko martxoaren 27a) txekiarmusikagilea eta biolinista izan zen. Aitarekin ikasi zuen biolina jotzen. 1745. urtetik aurrera Mannheimgo gorteko musika-zuzendaria eta orkestrako zuzendaria izan zen. "Mannheimgo Eskola" izenekoaren sortzaile izan zen. Eskola horren bitartez XVIII. mendeko orkestrarako musika-moldaketa eta sinfoniaren aurrerabidea bultzatu zituen. Sinfoniagile eskola horrek eragin handia izan zuen Mozartengan. Berrogeita hamar sinfonia, hamabi kontzertu biolinerako, eta sonatak biolinerako idatzi zituen, besteak beste. Stamitzen semeak ere, Karl Philip eta Anton Thadäus, musikagileak eta biolin-jotzaileak izan ziren.
Wikipediatik informazioa lortu