Michael Haydn

Johann Michael Haydn (Rohrau, 1737ko irailaren 14a - Salzburgo, 1806ko abuztuaren 10a) austriar musikagilea izan zen.

Matthias Haydnen semea eta Joseph Haydnen anaia txikia izan zen. Zortzi urterekin Vienara joan zen eta anaiaren eraginaz baliatu zen. Hamabi urterekin, katedraleko ordezko organista gisa dirua jasotzen zuen, eta abesbatzan ere abesten zuen. 1760an Oradeako kapera-maisu izendatu zuten eta 1762tik aurrera eta 44 urtez Salzburgoko kontzertu-maisu izan zen, eta 360 obra baino gehiago konposatu zituen.

Beti izan zuen harreman hurbila Josephekin. Carl Maria von Weberren eta Anton Diabelliren maisu izan zen.

Bere lanik garrantzitsuenak ahots musika sakratukoak izan ziren, hala nola mezak eta requiemak. 41 sinfonia, kontzertu eta ganbera-musika ere konposatu zituen. Bere konposizio batzuek eragina izan zuten Wolfgang Amadeus Mozartengan Wikipediatik informazioa lortu