Wilhelm Friedemann Bach

Wilhelm Friedemann Bach (Weimar, 1710eko azaroaren 22a - Berlin, 1784ko uztailaren 1a) musikagile alemaniarra izan zen.

J. S. Bach eta Maria Barbararen lehenengo semea izan zen. Aitak berarentzat idatzi zizkion organo eta klaberako lanetan ikasi zuen, eta berehala hartu zuen organo-jotzaile onaren ospea. Zuzenbide ikasketak egin arren, ez zen musikatik aldendu eta organo-jotzaile postuetan aritu zen beti: Dresden (1733), Halle (1746), Brunswick (1770), Berlin (1774). Meza bat, kantatak eta organorako lanak idatzi zituen, gehienbat teklaturako konposatuak (12 sonata, 11 fuga, 42 polonesa, 11 fantasia, dozena bat kontzertu). Wilhelm Friedemannek finkatu zituen sonataren eta pianorako kontzertuaren forma modernoak. Wikipediatik informazioa lortu